Eru til lög sem banna systkina-börnum að ganga í hjónabönd og hvað myndi til dæmis gerast ef þau myndu brjóta þau lög og fara í að eignast börn?
☆☆☆
Nei, það eru engin lög sem banna fólki að eignast börn með einum eða neinum. Það eru ekki einu sinni til lög sem banna fólki að eignast börn með foreldrum sínum eða börnum. En það er eru aftur á móti til lög sem banna kynmök við börn og ungmenni undir ákveðnum aldri.
Í 9. gr. hjúskaparlaga er kveðið á um bann við hjónabandi ættmenna í beinan legg og systkina, þú mátt þannig ekki giftast barni þínu eða barnabarni, foreldri, afa eða ömmu, systur eða bróður. Skv. 10. gr. laganna mega kjörforeldri og kjörbörn heldur ekki giftast nema ættleiðing sé felld niður. Afur á móti banna lögin ekki hjónaband kjörsystkina.
Engin lög banna hjúskap systkynabarna eða milli barns og systkinis foreldris þess.
Mynd: PX here https://pxhere.com/en/photo/1607839
