Hlít
Lögmannsþjónusta
Evu Hauksdóttur
Ertu í vafa um hvort þú þurfir lögmann?
Könnum það til hlítar
Það er ekki endilega víst að þú þurfir aðstoð lögmanns. Lögmannsþjónusta er dýr og stundum er hægt að leysa málin á annan hátt. En hvort sem er tímabært að leita lögfræðiaðstoðar eða ekki er gott að þekkja kostina í stöðunni. Þekking og fyrihyggja geta sparað tíma og peninga síðar og aukið líkur á ásættanlegri niðurstöðu máls.
Hlít – lögmannsþjónusta veitir 40 mínútna ráðgjöf án endurgjalds, bæði um það sem hægt er gera án verulegra fjárútláta og það sem þú getur gert til að flýta fyrir og spara peninga ef þú þarfnast lögfræðiþjónustu, nú eða síðar.
Mannréttindi til Hlítar
____
Sérsvið hlítar eru mannréttindamál
Öll réttindi sem okkur eru tryggð að lögum grundvallast á fjórum meginstoðum mannréttinda:
* Rétti til lífs
* Rétti til frelsis
* Rétti til öryggis og
* Rétti til mannhelgi
Réttur heilbrigðis- og velferðarþjónustu, réttur til viðunandi vinnuaðstöðu og starfskjara, reglur laga um réttaröryggi, ferðafrelsi, friðhelgi einkalífs og heimilis, trúfrelsi, tjáningarfrelsi, frelsi til að velja sér atvinnu og njóta eigna sinna í friði, kosningaréttur og réttur til þátttöku í stjórnmálum – öll eru þessi réttindi byggð á alþjóðlegum mannréttindasáttmálum og útfærð í stjórnarskrá og lögum.
Þetta eru réttindi sem öllum mönnum eru tryggð, án tillits til uppruna, félagslegrar stöðu, kynferðis, menningarbakgrunns eða trúar- og stjórnmálaskoðana.
Þótt ástand mannréttindamála á Íslandi sé þokkalegt á heimsvísu hefur Mannréttindadómstóll Evrópu margsinnis komist að þeirri niðurstöðu að íslenska ríkið hafi brotið gegn grundvallarréttindum borgaranna. Við nálgumst málin með því markmiði að gæta mannréttinda þinna til hlítar.
Eva Hauksdóttir
Eva Hauksdóttir lauk BA námi í lögfræði frá Háskóla Íslands vorið 2017 og LLM prófi í alþjóðlegri mannréttindalöggjöf frá Strathclyde háskóla í Glasgow árið 2019. Hún vann á lögmannsstofunni Lausnum með skóla og að námi loknu en stofnaði lögmannsstofuna Hlít árið 2021.
Eva er rökvís baráttumanneskja, þekkt fyrir samfélagsgagnrýni og pistlaskrif, ekki síst um lög og rétt í landinu, og hefur ánægju af því að finna nýja fleti á málunum.
Eva hefur sérstakan áhuga á rétti almennra borgaranna gagnvart stjórnvöldum og réttlátri málsmeðferð fyrir dómi.
Sérsvið hennar í íslenskum rétti eru tjáningarfrelsi og takmarkanir þess, friðhelgi einkalífs, réttindi sjúklinga og fjölskyldumál.
Vinnum málin til hlítar
Heilindi
Við gefum þér heiðarlegt mat á möguleikunum í stöðunni. Við getum ekki lofað að þú fáir þá niðurstöðu sem þú óskar en við getum fundið leið sem skilar hámarks árangri.
Við gerum kostnaðaráætlun og gefum skriflegar leiðbeiningar um það sem þú getur gert til að draga úr kostnaði.
Skilvirkni
Við viljum ljúka verkefnum á sem stystum tíma án þess að það bitni á gæðunum. Þessvegna tökum við ekki að okkur fleiri eða flóknari verkefni en við ráðum við.
Við setjum fram tímaáætlun, bæði um verkið í heild og einstaka verkþætti og upplýsum þig um stöðuna reglulega.
Festa
Þegar þú þarft að standa á rétti þínum stöndum við með þér til hlítar. Við getum ekki stjórnað málshraða í stjórnsýslunni, hjá tryggingafélaginu eða fyrir dómi en við komum hreyfingu á málin og rekum á eftir svörum.
Ef við höfum ekki lausnina þá finnum við einhvern annan sem hefur hana.
.